Եվրոպայում կորոնավիրուսը թափանցել է մսամթերքի վերամշակման գործարաններ. Euronews

Մսամթերքի արդյունաբերության խոշոր ձեռնարկությունները դարձել են Եվրոպայում կորոնավիրուսային վարակի տարածման նոր օջախ: Ֆրանսիայի հյուսիսում գտնվող Կոտ դ’Արմոր դեպարտամենտի սպանդանոցում 800 աշխատակցի թեստավորման արդյունքում հայտնաբերվել է 69 նոր վարակակիր: Լուարեի սպանդանոցում վարակվել է 54 աշխատող:

Գերմանիայում էլ՝ Սաքսոնիայում, վարակվել է մսի վերամշակման գործարանի 92 աշխատակից: Հյուսիսային Ռայն-Վեստֆալիա նահանգի գործարանում հայտնաբերվել է վարակի ավելի քան 150 դեպք: Այս ձեռնարկությունների շատ աշխատակիցներ աշխատանքային միգրանտներ են Ռումինիայից և Բուլղարիայից:

x