Վաչագան Ղազարյանին եւ նրա կնոջը վերաբերող նոր քրեական գործ է հարուցվել

Serji Vacho

ԱԱԾ պետական պահպանության ծառայության պետի նախկին առաջին տեղակալ Վաչագան Ղազարյանի նկատմամբ նոր քրեական գործ է հարուցվել Քրեական օրենսգրքի 179-րդ հոդվածի (յուրացնելը կամ վատնելը) հատկանիշներով։ Այս մասին հայտնում է ՀՔԾ մամուլի քարտուղար Մարինա Օհանջանյանը։

Ըստ տարածվող տեղեկությունների՝ քրեական գործի առիթ է հանդիսացել այն, որ Վաչագան Ղազարյանը իր կնոջը՝ Ռուզաննա Բեգլարյանին, պետական պահպանության ծառայության աշխատակից վարորդ է տրամադրել։ Մամուլում նաև նշում են, որ ՊՊԾ-ի 6 այլ աշխատակիցներ հսկել են Վաչագան Ղազարյանին ու նրա կնոջը պատկանող «Յանս» ռեստորանային համալիրը։

 

Վաչագան Ղազարյանը երրորդ նախագահ Սերժ Սարգսյանի թիկնազորի նախկին պետն էր։ 

2020 թվականի փետրվարին Հատուկ քննչական ծառայությունը կարճել էր Վաչագան Ղազարյանի և նրա կնոջ՝ Ռուզաննա Բեգլարյանի ընդհանուր քրեական գործը, որն առնչվում էր ինչպես հարկերից խուսափելուն, այնպես էլ ապօրինի հարստացմանը։

 

Ձեզ կեհաքրքրի...