Գողություն Արտանիշ գյուղում․ պատճառվել է մոտ 1 միլիոն դրամի վնաս․ Ճամբարակի ոստիկանների բացահայտումը

Օգոստոսի 10-ին, ժամը 15.30-ի սահամններում, օպերատիվ կառավարման կենտրոնից ոստիկանության Ճամբարակի բաժնին հաղորդում ստացվեց, որ Արտանիշ գյուղի մի ամառանոցից գողություն են արել:
Իրավապահները մեկնեցին դեպքի վայր: Տանտերը, որ Երևանի բնակիչ է, վերջին անգամ նախորդ տարվա դեկտեմբերին էր առանձնատանը եղել: Իսկ երբ օգոստոսի 10-ին եկել էր, պարզել էր, որ տնից հափշակել են ոսկեղեն, վիդեոնվագարկիչ, DVD նվագարկիչ, կարի մեքենա, փոշեկուլ, այլ կենցաղային ապրանքներ՝ պատճառելով մոտ 1.000.000 դրամի նյութական վնաս:
Հետաքննություն իրականացնող մարմինը բացահայտման ուղղությամբ բազմաբնույթ միջոցառումներ ձեռնարկեց` դեպքի վայրի զննությունից մինչև օպերատիվ հարցումներ: Հաղորդումից ժամեր անց տեղեկություններ ստացվեցին, որ բնակարանային գողությունը հնարավոր է կատարած լինի նույն գյուղի 18-ամյա մի բնակիչ՝ անչափահաս ընկերոջ հետ:
Ժամը 21-ին կասկածվող երիտասարդը բերման ենթարկվեց: Ոստիկանության Ճամբարակի բաժին հրավիրվեց նաև նրա անչափահաս ընկերը:
Նրանք խոստովանել են, որ գողությունն իրենք են արել հունիս ամսվա սկզբներին:
Գողոնը մասամբ հայտնաբերվել է:
Հարուցված քրեական գործի նախաքննությունը շարունակվում է:

`Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

x