Լավ կանեն՝ ժամանակն օգտագործեն ՍԴ սենյակներն իրենց իրերից ազատելու համար. Սիմոնյան
ՀՀ ԱԺ փոխնագահ Ալեն Սիմոնյանը Ֆեյսբուքի էջում անդրադարձել է ՍԴ արդեն նախկին դատավորների այսօրվա հայտարարություններին:
«Կարծում եմ՝ ՍԴ նախկին դատավորները քաղաքական դիակների ֆոնին դատարկ հարցազրույցներ տալու փոխարեն լավ կանեն՝ ժամանակն օգտագործեն ՍԴ սենյակներն իրենց իրերից ազատելու համար»,- գրել է Ալեն Սիմոնյանը:
Հիշեցնենք, որ այսօրվանից ուժի մեջ մտնող սահմանադրական փոփոխություններով ՍԴ 9 հոգանոց կազմից հեռանում են այն անդամները, որոնց պաշտոնավարման 12 տարվա ժամկետը լրացել է. Ֆելիքս Թոխյանը, Հրանտ Նազարյանը և Ալվինա Գյուլումյանը։ Այս փոփոխությունների արդյունքում նախկին սահմանադրություններով ընտրված անդամներից նոր ձևավորվող կազմում կշարունակեն պաշտոնավարել Աշոտ Խաչատրյանը, Արևիկ Պետրոսյանը, Արայիկ Թունյանը և Հրայր Թովմասյանը։
Ալվինա Գյուլումյանն այսօր ներկայացել էր աշխատանքի՝ հայտարարելով, որ չկա իր լիազորությունները դադարեցնելու մասին փաստաթուղթ:
![](https://mamul24.am/wp-content/uploads/2023/10/2600-210.jpg")