Ականի վրա պայթելու հետևանքով հերթական ադրբեջանցին է մահացել

 Ականի վրա պայթելու հետևանքով հերթական ադրբեջանցին է մահացել։ Ադրբեջանական լրատվամիջոցները, վկայակոչելով երկրի ՆԳ նախարարությանը, հայտնում են, որ Ղազախի շրջանի Խանլըգլար գյուղի բնակիչ, 1988թ․ ծնված Մամեդ Մարդանովը մահացել է Բալա Ջաֆարլի գյուղում ականի վրա պայթելու հետևանքով։ Պայթյունը տեղի է ունեցել, երբ Մարդանովը տրակտորով հերկելիս է եղել հողը։ Նա տեղում մահացել է։ Դեպքի առնչությամբ կատարվում է քննություն։ Հիշեցնենք, որ նախօրեին էլ Արցախի գրավյալ Ակնայում (Աղդամ) ադրբեջանցի էր պայթել ականի վրա՝ մարմնական վնասվածքներ ստանալով։ Իսկ 2020 թվականի նոյեմբերի 9-ից հետո Արցախի գրավյալ տարածքներում ականի վրա պայթելու հետևանքով, ընդհանուր առմամբ, մահացել է ադրբեջանցի 7 զինծառայող և 23 քաղաքացիական անձ, ևս 91 զինվորական ու 38 քաղաքացիական անձ՝ վիրավորվել։ Էմմա Չոբանյան

factor.am

x