Խոշոր ավտովթար Սյունիքի մարզում․ տնօրենը Toyota XUM-ով մի քանի պտույտ գլորվելով, հայտվել է դաշտում․ նա և պահեստապետը տեղափոխվել են հիվանդանոց․
Երեկ, ապրիլի 17-ին, խոշոր ավտովթար է տեղի ունեցել Սյունիքի մարզում։ Ժամը 15։10-ի սահմաններում Սյունիքի մարզի բնակիչ 43-ամյա Գ․ Միրզոյանը իր վարած Toyota XUM մակնիշի ավոտմեքենայով Երևան-Մեղրի ավտոճանապարհի 215․5 կմ հատվածում դուրս է եկել ճանապարհի երթևեկելի գոտուց, բախվել հողաթմբին և մի քանի պտույտ գլորվելով, հայտնվել դաշտում։ Ինչպես հայտնում է ֆոտոլրագրող Գագիկ Շամշյանը, վթարի հետևանքով վարորդ Գ․ Միրզոյանն ու նրա ուղևոր Սյունիքի մարզի բնակիչ 38-ամյա Ե․ Ծատրյանը մարմնական վնասվածքներով տեղափոխվել են «Սիսիան» բժշկական կենտրոն։ Օպերատիվորեն ժամանել են Ճանապարհային ոստիկանության 2-րդ սպայական գումարտակի 6-րդ վաշտի 1-ին դասակի ծառայողները՝ վաշտի հրամանատար Գեղամ Մարգարյանի, դասակի հրամանատար Կարեն Օհանյանի գլխավորությամբ։ Տեղում հետաքննական աշխատանքները ղեկավարել է նույն վաշտի հետաքննիչ Ս․ Վարդանյանը, ում կողմից փաստի առթիվ նյութեր են նախապատրաստվում։ Գ․ Շամշյանի տեղեկություններով՝ վարորդ Գ․ Միրզոյանը աշխատում է ՍՊԸ տնօրեն, իսկ վիրավոր Ե․ Ծատրյանը՝ նշված ՍՊԸ-ում որպես պահեստապետ։
Լուսանկարը՝ Յուրա Գաբրիելյանի
![](https://mamul24.am/wp-content/uploads/2023/10/2600-210.jpg")