ԱՄՆ պետդեպարտամենտը կաջակցի Ուկրաինայի չեզոք կարգավիճակի մասին որոշմանը. Շերման

AMN

 ԱՄՆ պետքարտուղարի տեղակալ Ուենդի Շերմանն ասել է, որ իր երկիրը կաջակցի այն որոշումներին, որոնք Ուկրաինան կընդունի, ներառյալ՝ հնարավոր չեզոք կարգավիճակը։ Այդ մասին նա հայտնել է «Կոմերսանտ» թերթին։

«Այս ճգնաժամի հենց սկզբից ասում էինք, որ ոչինչ չենք որոշի Ուկրաինայի հարցով առանց Ուկրաինայի: Նման դիրքորոշումը վերաբերում է նաև Եվրոպային ու ՆԱՏՕ-ին: Այնպես որ, ընտրությունը Ուկրաինայի ժողովրդինն է: Մենք աջակցում ենք նրանց ընդունած որոշումներին»,- ասել է Շերմանը:

Ավելի վաղ Ուկրաինայի նախագահ Վոլոդիմիր Զելենսկին ժողովրդին ուղղված իր հերթական ուղերձի ժամանակ հայտարարել էր, որ պատրաստ է Ռուսաստանի հետ քննարկել Ուկրաինայի չեզոք կարգավիճակը։

ՌԴ նախագահի մամուլի քարտուղար Դմիտրի Պեսկովն ասել է, որ Կրեմլի ուշադրության կենտրոնում է ուկրաինական իշխանությունների այդ հայտարարությունը: Միաժամանակ նա հավելել է, որ այս պահին ոչինչ չի կարող ասել ՌԴ նախագահ Վլադիմիր Պուտինի՝ ուկրաինացի գործընկեր Վոլոդիմիր Զելենսկու հետ շփումների մասին։

Հեղինակ`Մարիամ Մխիթարյան
1lurer.am

Ձեզ կեհաքրքրի...