24–ամյա մոտոցիկլավարը վրաերթի է ենթարկել դպրոցականի և կողաշրջվել.

Vraert

 Այսօր՝ մայիսի 13-ին, մոտոցիկլի մասնակցությամբ վրաերթ է տեղի ունեցել Շիրակի մարզում: Ժամը 14:30-ի սահմաններում Գյումրի քաղաքում՝ Վ. Սարգսյան  8ա հասցեի դիմաց, Գյումրիի բնակիչ, 24-ամյա Արթուր Սուքիասյանը իր վարած  Հայասա մակնիշի  մոտոցիկլետով երթևեկելիս, վրաերթի է ենթարկել Գյումրիի բնակիչ, 15-ամյա Իսկուհի Մ.-ին և առաջ ընթանալիս վթարի ենթարկվել ու կողաշրջվել: Ինչպես հայտնում է ֆոտոլրագրող Գագիկ Շամշյանը, մոտոցիկլավար Ա. Սուքիասյանը, նրա  ուղևորուհի, Գյումրիի բնակիչ, 21-ամյա Շուշանիկ Գրիգորյանն ու վրաերթի ենթարկված Իսկուհի Մ.-ն մարմնական վնասվածքներով տեղափոխվել են Գյումրու բժշկական կենտրոն: Օպերատիվորեն  դեպքի վայր են ժամանել ճանապարհային ոստիկանության  2-րդ սպայական գումարտակի 2-րդ վաշտի 2-րդ դասակի ծառայողները՝ վաշտի հրամանատար  Վաչե Մալաքյանի, դասակի հրամանատար Պետրոս Պետրոսյանի գլխավորությամբ: Դեպքի մասին ՃՈ 1-77 օպերատիվ կառավարման կենտրոնի պատասխանատու հերթապահ  Դավիթ Գրիգորյանը տեղեկությունը փոխանցել է Հայաստանի քննչական կոմիտեի Շիրակի մարզային քննչական վարչություն, որտեղից ժամանել է քննչական խումբը՝ ավագ քննիչ  Մ. Ավետիսյանի գլխավորությամբ, ում կողմից փաստի առթիվ նյութեր են նախապատրաստվում: Օպերատիվորեն ժամանել է նաև Գյումրի քաղաքի ոստիկանության Մուշի բաժնի հերթապահ խումբը:

shamshyan.com 

Ձեզ կեհաքրքրի...