Ջալալ Հարությունյանը նշանակվել է ՀՀ ՊՆ ռազմական վերահսկողական ծառայության պետ
ՀՀ պաշտպանության նախարար Վաղարշակ Հարությունյանի հրամանով գեներալ-լեյտենանտ Ջալալ Հարությունյանը նշանակվել է ՀՀ ՊՆ ռազմական վերահսկողական ծառայության պետ:
Նախկինում այդ պաշտոնը զբաղեցնում էր Մովսես Հակոբյանը, որը 2020 թվականի նոյեմբերի 18-ին ազատման դիմում էր ներկայացրել:
Ջալալ Հարությունյանը Արցախի Պաշտպանության բանակի հրամանատարի պաշտոնից ազատվել էր 2020 թ. հոկտեմբերի 27-ին՝ պայմանավորված մարտական դիրքում ստացած վիրավորումով:
![](https://mamul24.am/wp-content/uploads/2023/10/2600-210.jpg")