17 ուժերը սկսել են անհնազանդության ակցիաներ. այսօր հայտարարված է իրենց պայքարի ամենավճռական օր

akcianer

Հայրենիքի փրկության շարժմանը մաս կազմող տարբեր անհատներ եւ կազմակերպություններ այս պահին Երեւանի տարբեր հատվածներից երթով շարժվում են դեպի Հանրապետության հրապարակ:

17 ուժերի կողմից այս օրը հայտարարվել է իբրեւ իրենց պայքարի ամենավճռական օր: Կոչ է արվել բոլորին՝ դիմել գործադուլի եւ դասադուլի, միանալ ՀՀ վարչապետ Նիկոլ Փաշինյանի հրաժարականի պահանջով անհնազանդության ակցիաներին:

Այս պահին փաստաբաններն, օրինակ, Փաստաբանների պալատի շենքի մոտից երթով շարժվում են դեպի Ազգային ժողով, որից հետո պետք է գնան դատախազություն: Հանրապետության հրապարակում արդեն հավաքվել են 17 ուժերի ներկայացուցիչներ:

Հիշեցնենք, որ Այսօր ֆեյսբուքյան գրառմամբ անդրադառնալով առկա քաղաքական իրավիճակին՝ ՀՀ վարչապետ Նիկոլ Փաշինյանը ֆեյսբուքի իիր էջում գրել էր. 

«1. 2018 թվականի հեղափոխության արդյունքում Հայաստանում իշխանությունից զրկված «էլիտան» փորձում է հասնել ռեւանշի: Ընդ որում՝ խոսքն ամենեւին միայն քաղաքական «էլիտայի» մասին չէ, այլ բոլոր նրանց, ովքեր մինչեւ 2018 թվականը ունեցել են արտոնություններ, 2018 թվականից հետո՝ չունեն:

2. Ժողովուրդը, որ 2018 թվականի հեղափոխությունից հետո զգացել է իր իշխանություն լինելու հանգամանքը, չի ուզում կորցնել այդ կարգավիճակը, մանավանդ հիմա, երբ օգտվելով հանգամանքից, որ իշխանությունն առավել կենտրոնացած է արտաքին անվտանգության խնդիրների սպասարկմամբ, ոմանք գործի են դրել «եթե հանրահավաքի չգաս, աշխատանքից կազատվես» տրամաբանությունը:

Այսպիսով՝ իրական հակադրությունը ոչ թե կառավարության եւ ընդդիմության միջեւ է, այլ 2018 թվականին արտոնություններից զրկված «էլիտայի» եւ ժողովրդի: Բայց բոլոր դեպքերում վճռորոշ խոսքը ասելու է ժողովուրդը, որովհետեւ եթե ժողովուրդը իր խոսքն ասի, «էլիտաները» ոչինչ անել չեն կարող»:

 

armtimes.con

Ձեզ կեհաքրքրի...