Նախապատրաստում են անհրաժեշտ փաստաթղթեր՝ Արթուր Գևորգյանին ՀՀ փոխանցելու հարցով ԱՄՆ համապատասխան մարմիններին դիմելու համար

kuku lala

ՀՀ դատախազությունը պաշտոնապես տեղեկացվել է այն մասին, որ Արթուր Գևորգյանը ԱՄՆ-ում ձերբակալվել է ԱՄՆ օրենսդրության խախտման հետ կապված հանգամանքների շրջանակում։ Այդ մասին 1lurer.am-ի հարցմանն ի պատասխան ասել է գլխավոր դատախազի խորհրդական Գոռ Աբրահամյանը: 

«Չնայած այդ հանգամանքին՝ ՀՀ գլխավոր դատախազությունը, իրացնելով իր լիազորությունները, արդեն իսկ նախապատրաստում է անհրաժեշտ փաստաթղթերը՝ նրա հետախուզման շրջանակում ՀՀ իրավասու մարմիններին փոխանցման հարցով ԱՄՆ համապատասխան մարմիններին դիմելու համար:

Հարկ է, սակայն, նկատի ունենալ, որ քրեական գործերով անձանց հանձնման ոլորտում ՀՀ-ի և ԱՄՆ-ի միջև հանձնման մասին երկկողմ միջազգային պայմանագրի բացակայությունը որոշակի առանձնահատկություններ է թելադրում հանձնման գործընթացի առավել բարդության տեսանկյունից»,- նշել է Գ.Աբրահամյանը:

Հեղինակ`Արման Գալոյան

Ձեզ կեհաքրքրի...