«Պուտին, թեյ խմիր». Կրեմլի դեմ ցույցեր Խաբարովսկում. Reuters

tey xmir

Այսօր հազարավոր ցուցարարներ դուրս են եկել Ռուսաստանի հեռավորարևելյան Խաբարովսկ քաղաքի փողոցներ: Այս անգամ ակտիվիստները բողոքում են երկրի այդ տարածաշրջանում քաղաքական ճգնաժամը հաղթահարելուն միտված Վլադիմիր Պուտինի քաղաքականության և ռուս ընդդիմադիր Նավալնիի կասկածելի թունավորման դեմ: Այս մասին տեղեկացնում է Reuters գործակալությունը:

Ցուցարարները վանկարկել են «Պուտին, թեյ խմիր» կարգախոսը՝ նկատի ունենալով այն, որ Ալեքսեյ Նավալնիի կասկածելի թունավորման պատճառն օդանավակայանի սրճարանում խմած թեյն է եղել:

Խաբարովսկի բնակիչները բողոքի ակցիաները սկսել էին հուլիսի 9-ից, երբ մի շարք ձեռներեցների սպանությունների ու մահափորձերի մեղադրանքով ձերբակալվել էր Խաբարովսկի նահանգապետ Սերգեյ Ֆուրգալը, որը կտրականապես հերքում է իր դեմ ներկայացված մեղադրանքները:

Հեղինակ`Մարի Կոստանյան

Ձեզ կեհաքրքրի...