Ձեզ երբևէ հետաքրքրե՞լ է, թե տիեզերագնացներն անկշռելիության պայմաններում ինչպես են լողանում.

Տիեզերական լոգանք

Ձեզ երբևէ հետաքրքրե՞լ է, թե տիեզերագնացներն անկշռելիության պայմաններում ինչպես են լողանում ))Նախքան ՄՏԿ-ն գոյություն ունեցած տիեզերական կայաններում աստղագնացների համար գոյություն ունեին լոգանքի համար նախատեսված հատուկ հերմետիկ խցիկներ: Լոգանքի համար անհրաժեշտ էր կրել լողի ակնոցն ու ջրի տակ շնչելու համար նախատեսված ձողը: Խցիկի մեջ մտնելուց հետո, տիեզերագնացի վերևից բաց էր թողնվում ջրային զանգվածը, որը դեպի ներքև էր քաշվում հատուկ սարքավորման միջոցով: ՄՏԿ-ի ստեղծումից հետո լոգանքի այս մեթոդը սկսեց այլևս չկիրառվել: Ներկայում կարելի է ասել, որ ՄՏԿ-ի տիեզերագնացները լոգանք, որպես այդպիսին, չեն ընդունում: Հիգիենայի կանոնները պահպանելու համար նրանք օգտագործում են ռուսական արտադրության «Комфорт» հիգիենայի տուփերը, որոնցում առկա են շամպուններ, սրբիչներ, գելեր և բազմաթիվ այլ անհրաժեշտ պարագաներ:Մարմինը լվանալու համար գոյություն ունի հատուկ գել: Տիեզերագնացներն այն քսում են իրենց մարմնին, այնուհետև սրբիչով մաքրում: Գլուխը լվանալու համար աստղագնացներն իրենց մազերին քսում են մի փոքր ջուր, հետո հատուկ շամպուն և խոնավ սրբիչով մաքրում այն։ Այդ ամենը պետք է անել զգուշությամբ, քանի որ պոկված յուրաքանչյուր մազ կարող է վտանգ ներկայացնել ինչպես տիեզերագնացների, այնպես էլ սարքավորումների համար: Այս քայլերից հետո, խոնավ սրբիչները կախվում են օդափոխիչ համակարգի մոտ: Այն կլանում է դրանց խոնավությունը և դնում շրջապտույտի մեջ:Տեսանյութում NASA-ի տիեզերագնաց Կարեն Նայբերգը ցուցադրում է, թե ինչպես են լվանում գլուխը տիեզերքում։Հ․Գ․ Թեպետ տեսանյութը անգլերեն լեզվով է, սակայն Նայբերգի գործողությունների հաջորդականությունը հասկանալի է։#Տիեզերք #The_Space #ՄՏկ #Տիեզերական_լոգանք

Опубликовано Տիեզերք/Space Воскресенье, 16 февраля 2020 г.