Չինաստանից դուրս գրանցվել է կորոնավիրուսից մահացածության առաջին դեպքը
Չինաստանից դուրս կորոնավիրուսով վարակված 151 քաղաքացի կա աշխարհի 23 երկրում: Այս մասին հայտարարել է Առողջապահության համաշխարհային կազմակերպության տնօրեն Թեդրոս Ադհանոմ Գեբրեյեսուսը՝ Ժնեւում ունեցած ելույթի ժամանակ:
Նա հայտնել է, որ Չինաստանից դուրս կորոնավիրուսից մահացածության 1 դեպք կա գրանցված՝ Ֆիլիպիններում:
ԱՀԿ տվյալներով, աշխարհում գրանցվել է 2019-nCov նոր տիպի կորոնավիրուսով հիվանդացության 14 հազար 557 դեպք, որից 14 411-ը՝ Չինաստանում: Նրանցից 2110-ի վիճակը համարվում է ծանր, փետրվարի 3-ի տվյալներով, մահացել է 361 մարդ:
Հիշեցնենք, ավելի վաղ Առողջապահության համաշխարհային կազմակերպությունը կորոնավիրուսը ճանաչել էր որպես գլոբալ սպառնալիք:
Al Jazeera-ն ներկայացրել է վիճակագրությունը՝ աշխարհի երկրներում.
![](https://mamul24.am/wp-content/uploads/2023/10/2600-210.jpg")